Objettivi
It-Taqsima għall-Maltin li Jgħixu Barra fi ħdan il-Minsteru għall-Affarijiet Barranin u Ewropej tfittex li tippromwovi u tipproteġi d-drittijiet u l-interessi tal-Maltin li jgħixu barra. Dan għandu l-għan li:
- Tipproteġi u tippromwovi d-drittijiet tal-Maltin li jgħixu barra filwaqt li żżid l-interess fil-kultura u l-identità Maltija
- Isservi bħala l-punt ta’ referenza għal informazzjoni, pariri u koordinament għall-Maltin li jgħixu barra
- Isservi bħala l-punt ta’ referenza għal informazzjoni, pariri u koordinament għall-assoċjazzjonijiet jew organizzazzjonjiet mhux governattiva li jirrapreżentaw il-Maltin ta’ barra
- Tassigura l-implimentazzjoni tad-deċiżjonijiet meħuda mill-Kunsill għall-Maltin li jgħixu barra kif regolat mill-Kapitolu 515 tal-liġijiet ta’ Malta
- Iżomm rabtiet ta komunikazzjoni qawwija mal-Kunsill tal-Maltin li jgħixu barra
- Iżomm rekords aġġornati tar-Reġistru tal-Maltin li jgħixu barra mill-pajjiż li jinkludi l-formoli tan-Notifika D, V, u O
- Toħloq mezzi effettivi ta’ komunikazzjoni u kollaborazzjoni bejn Malta u ċ-ċittadini tagħha li jgħixu barra
- Ittejjeb l-impenn tagħha permezz tal-programm Consul-on-the-Move