Il-Programm tal-Consul-on-the-Move tnieda fil-5 ta’ Mejju 2016, bi qbil mal-Uffiċċju tal-Passaporti fi ħdan l-Aġenzija Identity Malta, u huwa konformi mal-viżjoni tal-Gvern sabiex is-servizzi tiegħu ikunu eqreb lejn iċ-ċittadini. Il-Programm jipprovdi numru ta’ servizzi Konsulari (li huma normalment disponibbli fl-Ambaxxati u l-Konsulati Maltin) f’lokalitajiet differenti.
Il-bżonn ta’ dan il-Programm inħass wara l-introduzzjoni tal-passaport bijometriku, li wassal sabiex l-applikanti Maltin li jgħixu barra jkollhom imorru fiżikamenti fl-eqreb Ambaxxata jew Konsulat sabiex titteħdilhom l-informazzjoni bijometrika. Dan ħoloq inkonvenjenza, speċjalment għal raġuni ta’ żieda fl-ispejjeż tal-ivvjaġġar u tal-akkommodazzjoni.
Preżentement il-Programm qed jitħaddem fl-Awstralja, il-Kanada, l-Istati Uniti tal-Amerika, ir-Renju Unit, u New Zealand. Sadanittant is-servizzi Konsulari kollha mogħtija mill-Ambaxxati u l-Konsulati Maltin se jibqgħu jingħataw bħas-soltu.
Għal ċerti servizzi provduti, l-applikant irid iħallas tariffa amministrattiva addizzjonali.
Skont l-Avviż Legali 221 tal-2016, it-tariffa amministrattiva għal applikazzjonijiet għal passaporti hija ta’ €100 għal kull applikazzjoni, filwaqt li dik għal applikazzjonijiet għal ċittadinanza hija ta’ €50 għal kull applikazzjoni, minbarra l-ispejjeż relatati mas-servizz innifsu.
Li ġejja hija l-lista aġġornata proviżorja ta’ żjarat ippjanati għas-sena 2024:
L-Ambaxxata tar-Repubblika ta’ Malta f’Washington – Stati Uniti tal-Amerika
Belt/Stat/Provinċja | Dati | Post |
San Francisco | April 2024 | Il-post għad irid jiġi mħabbar |
Michigan | Settembru 2024 | Il-post għad irid jiġi mħabbar |
Il-Konsulat Ġenerali ta’ Malta f’Toronto – Kanada
Belt/Stat/Provinċja | Dati | Post |
British Columbia (Vancouver, Powell River) | Marzu 2024 | Il-post għad irid jiġi mħabbar |
Ontario (Windsor) | Ġunju 2024 | Il-post għad irid jiġi mħabbar |
Alberta (Calgary u Edmonton) | Ottubru 2024 | Il-post għad irid jiġi mħabbar |
Kummissjoni Għolja għar-Repubblika ta’ Malta f’Londra – Renju Unit
Belt/Stat/Provinċja | Dati | Post |
Cardiff | Frar/Marzu 2024 | Il-post għad irid jiġi mħabbar |
Edinburgh | Mejju/Ġunju 2024 | Il-post għad irid jiġi mħabbar |
Birmingham | Awwissu/Settembru 2024 | Il-post għad irid jiġi mħabbar |
Liverpool | Novembru/Diċembru 2024 | Il-post għad irid jiġi mħabbar |
Kummissjoni Għolja għar-Repubblika ta’ Malta f’Canberra – Awstralja
Belt/Stat/Provinċja | Dati | Post |
Wellington (New Zealand) | 5 April 2024 | Il-post għad irid jiġi mħabbar |
Brisbane | 15 – 17 April 2024 | Il-post għad irid jiġi mħabbar |
Gold Coast | 19 April 2024 | Il-post għad irid jiġi mħabbar |
Adelaide | 23 Lulju 2024 | Maltese Guild of SA, 6 Jeanes St, Beverley SA 5009 |
Perth | 25 – 27 Lulju 2024 | Maltese Association in WA |
Brisbane | 11 – 13 Ottubru 2024 | Il-post għad irid jiġi mħabbar |
Mackay | 15 Novembru 2024 | Il-post għad irid jiġi mħabbar |
Iċ-ċittadin jista’ jibbenifika minn dan is-servizz permezz ta’ appuntament ikkonfermat biss.Għal aktar informazzjoni, wieħed jista’ jikkuntattja l-post rispettiv kif ġej:
Post | Posta elettronika | Telefon |
L-Awstralja / New Zealand | consul.canberra@gov.mt | +61 (02) 6290 1724 |
Il-Kanada | consul.toronto@gov.mt | +1 (416) 207 0922 /0989 |
L-Istati Uniti tal-Amerika | consul.washington@gov.mt | +1 (202) 530 9750 /9751 /9752 |
Ir-Renju Unit | consul.london@gov.mt | +44 (0) 207 292 4800 |
Huwa rakkomandat li eqreb lejn id-data taż-żjara, wieħed jikkonsulta mal-Ambaxxata jew Konsulat relevanti li qed t/jikkordina ż-żjarat sabiex jassigura li ma kienx hemm tibdil fid-dati u l-post.